أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
ظلال الوايلية 
ابوي رباني على حشمة الناس اللي يقدرني له القدر عندي
بالمختصر
بالمختصر محدٍ بقلبي يباريك
لاياخذك فيني شكوكٍ وظنا
والخافي أعظم لاتضايق محاكيك
على محبك لاتجور وتجنا
ياليت سوولي اشعة توريك
وشلون حبك في خفوقي تثنى
يكبر كما طفلٍ نما بي ويعنيك
ماخذ صفاتك وارث الشوق منا
حرف الشعر لاجا يناجي يناجيك
يتيم حبي والشعر لك تبنى
ضيفٍ حللت اهلًا والأشواق تدعيك
واصبحت حاكم دولةٍ بك تهنى
دام الرعية راضية فيك وش فيك
مشاعرك تقبل وثمٍ تكنّا
عطني من اشواقك وصفف معانيك
والعمر رايح بالغلا لاتونا
تذكرزمان اول وصمتي يناديك
طفلة وشعَري مصطبغ لون حنا
ارتب حروفك واردد مباديك
والشعر ثالثنا وبحرة وطنا
ياما سهيت بغفلة الليل وابكيك
والصبح يهدم كل بيتٍ يبنّى
وارسم حروفك في دفا الرمل واشكيك
للورد لين الورد بالبعد غنّى
استصرخ إحساسك عسى الصوت يحييك
ميت وفا لاتنتظر يالمعنى
ظلال الوايلية