أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
ظلال الوايلية 
ابوي رباني على حشمة الناس اللي يقدرني له القدر عندي
عندي وطن
(عندي وطن )
لك ياوطن شعري وروحي مواليف
من حبهم انسج لك احلى قصيدة
وان كان ماجاني قصيدي على الكيف
مابيه علّه مايجيب الفريدة
حب الوطن واجب ولا فيه تكليف
لي الفخر ياتاج راسي وسيدة
مشاعرٍ تسكن بقلبي ماهي ضيف
لكنها هاظت علي يوم عيده
لبست الأخضر واتلون كما الطيف
مانيب طفلة بس والله سعيدة
ليت الزمن يرجع بي أعوام ياريف
وارسم على وجهي وامسح واعيده
وأمسك علم واقول أناشيد ياطيف
وافرح لاني في صفوف النشيدة
واصرّف الفرحة على كل تصريف
حتى الزمن ماعاد يكفي رصيده
عجزت ألاقي الاحاسيس توصيف
كني طفل يلبس هدومٍ جديده
ولا صحاري مجدبه باخر الصيف
وهلت عليها مزون وسمٍ رعيدة
ثورة مشاعر صادقة دون تزييف
مزروعةٍ بالقلب ويا وريده
عندي وطن له داخلي الف تعريف
طير الأمان اللي بأرضه اصيده
وعندي علم به ولِف المجد توليف
أصل الكرم والدين في وسط جيده
وعندي ملك كم يتعبك بالتواصيف
يجمع سعة صدرٍ وحسن العقيدة
يارب ياللي الف الكون تأليف
يظلنا ظله سنين ٍ مديده