الأسلم

،

تريحوا ياللي تعقدون الحبال

         ياعالم(ن) للخير مالله دلها

قال المثل ماللحمول إلا الجمال

        والطيّب  اللي حملته يشتلها

والفضل لله والثناء في كل حال

   هو فارج الكربات غيره من لها

ومن دون ( ياسر) بالجنيه وبالريال

   الله يبيض وجـه ( شـمـر) كلها

واللي بعد ساهم من اكرام السبال

        لابد من باب الوفاء نفطلها

والعز بالله .. ثم في (غلبا) يقال

    اللابـه اللـي مـاتـغيـر دلـهـا

شمر هل الطوله مميلت العقال

    طب القلوب  إليا  تزايد غلها

وأمجادهم ماضي وحاضر لاتزال

 كم سطر التاريخ !!  كم سجلها !!

واليوم فزعتهم كما العد الزلال

    شمر صعيبات العقود إتحلها

والنعم في ربعي الياضاق المجال

  ( أهل اللحيسا) اللي يظلل ظلها

( الأسلم )أهل آلطيبات من الخصال

   فزعاتهم  .. دايم تجي في حلها

بانت مواقفهم ولا فيها  جدال

    واللي يروم الطايله ياصلها

هم فزعة اللي خان به وقته ومال

    غيثٍ  إليا مـر الكبود إيبلها

وفزعتهم لشمر على ماض الليال

  واللي بدون عقال تسري خلها

ومن أيهم لا قيل .. جاوبت السؤال

  انـا مـن أعــز  العرب وآجلها

ربعي هل الهدلا صناديد الرجال

  اللي مواقيف الشرف تحتلها

تمت وجزل الشعر غير عن الهزال

   مايجرح  إكبود العرب ويعلها