سلام

.

سلام ياراس شيخٍ لا انتهوا به بديت

        ضاري مثل ضاري الاول للاسلم علم

وسلام ياروس ربعي عزوتي لا اعتزيت

                قومٍ اليا حل طاريهم يقال ونعم

ومن عهدالأجداد سادوا واعتلوا واعتليت

             بمجادهم والفعايل عاليات القمم

بوقتٍ به الحي يحيي قوم والميت ميت

        طبع الشجاع الحميه والرحيم و الرحم

وللسيل يانجد واطراف الحسا والكويت

           وقبور الاجداد وفعولٍ عليها الوسم

ولكم الوفاء واجزل التقدير مع كل بيت

             وعلى النشاما سلام وكل قرمٍ شهم

وانا مع اهل الوفاء ياهل المواقف وفيت

          لوعذربوبي هل النمه وساع الذمم

ومن ديرة اخوان مريم ياهل الطيب جيت

         قدرٍ لـ نواف ومحمد ولا انسى سطم

وفي واجب عيال فارس لا نويت ومشيت

          لي يزهر الدرب والاسباب دم ولحم

عيال عودٍ ترك في صرح الأمجاد صيت

          عالي.. ولا طاولوا رأسه رعاة الغنم

وشيخٍ يكف الشيوخ اليا أعتزى كمبليت

    بالموقف اللي تهاب الناس عرب وعجم

يالله عسى داره الفردوس باسمك دعيت

          يا وامر محمد الهادي  بهدم الصنم

وعند اخر القاف وانا اللي كتبت وقريت

             الشعر يامعشر الشعار ذوق وطعم

والنصح واجب وياعلمٍ ببالي طريت

 في صدري تموت وانت اكبر من اكبر هرم

وأبنصح اللي يشب النار ويصب زيت

          لا يحسب انه لاشب النار منها سلم

واليا بغى العلم برحي قلت له كيت/ كيت

            تموت الابطال لكن! مايطيح العلم

ومعذور ياللي تناساني وانا مانسيت

            واحذر قبل تقعد لحالك بريع الندم

تكفي الحرار الاشاره وأنت اذا ما دريت

      يسحب بساط المهم من الرجال/ الأهـم