شايبات(ن) سنيني

عودتـــني صوتــك يهديني وانــــام

............... واليـوم قلي ليــــه صـــوتك ذبحـني 

منهو سمحـــلك تهــدم امال واحلام

............... ومنهـــو عطـاك الحق تنزعـك مني

جيتك وانا سني صغير(ن) بلا اثـام

............... ورجعت منــك شايبــات(ن) سنيـني

علمتنـــي وشلـــون اعشقــك بهيام

............... لكن قلبـــك خــــيب اليـــوم ظـــــني

بنيت لك فالقــلب مربـــاع وخيــــام

............... لكن عجـــاج الغـــدر منــك كسرني

افرح بشوفك فرحــة العيـد لايتـــام

............... وانته اناني عيــدك اليــوم حـــزني

سجنتني ما بين شريـــان وعظـــام

............... وخليتني اعشق مع الضيـم سجني

رسمت لك صوره بهـا الكل قد هام

............... وعليــت شـــانك يــوم شانك سكني

وانته محيت بصورتي عز واكرام

............... وزرعت لك دمعه على جال جفني

ضحّـكــت سنـــك يا غلا كل الانــام

............... وبكــــاني صـــدك يــوم قفيت عني

سميتـك بـ ( جنة حياتي ) والانسام

............... وانتـــه حيـــاتي بعتهــا بكــبر سني

حبيتـــك بكــلي وكـــلي لــك يــســام

............... لكــن حــبي مــا شفـــع لــي وطعني

ودعتك الله بورد فـل(ن) مــع خزام

............... ودعتـــك الله يـــوم حبـــــك خــذلني

16 - 10 - 1434