اعزفت كل المعازف

اعزفت كل المعازف ودندن الصاجه ورنـّه

................... وانكسر لحن القصيده وانقطع وتر الربابه

وارتخت كل الستاير واغلق المسرح بونـّه

................... اخر فصول الحكايه كذبة (ن) تقصم شبابه

كذبة (ن) فيها تجني حققت ظنك وظنـّه  

................... اتهموها وقالوا عنها انها راس الحرابه

ما ارحموها ولا تركوها لا ولا حتى محنـّه

................... قالوا فيها اللي يبونه واتهموها باغترابه

لعنبوكم ما رحمتوا دمعها اللي زاد شنـّه

................... جرحها غاير وثاير منكم ماحدن درابه

قالت بحزن وكآبه أرحموني من المجنـّه

................... والله اني ما خطيت بحقكم واللي ساربه

جتني قالت في ذرابه عندي سر (ن) من يكنه

................... قلت سرك وسط بير (ن) مثل حصن (ن) صك بابه

ارتكيت لها وصنت اسرارها من غير منـّه

................... واخر المعروف صفقه .. وتتهموني في نهابه

دنة بقلبي المصيبة دنة (ن) من بعد دنـّه

................... والحزن اصبح طريقي والفضاء ساده كآبه

كيف منهم في فؤادي يتهموني بدون سنـّه

................... كيف صار اللي حصله وكيف حملني عذابه

اسألوا منهو خطفها راسم الخطه بفنـّه

................... واحسبوا للظلم يوم (ن) ما حسبتوله حسابه

واعرفوا اني كل يوم (ن) ادعي ر بي ما تهنـّه

................... من تبلاني وجاني يضرب دفوف السبابه

وش كسب من هالتجني غير قلبي صد عنـّه

................... لو ربطنا دم واحد ما نتشابه ما نتشابه