يمه .. فقدتــكـ ..

قالوا علام الحزن غاطيك كالفيّ

.................... حتى دموع العين تنخا الحزينين

قلت اليتيم يصيح لو يلهي شويّ

.................... يمه تعالي وامسحي دمعة العين

يمه رحلتي وغاض عن زهري الميّ  

.................... يمه فقدت ادعاك وانتي تصلين

يمه البشر من غيبتك ما بهم حيّ

.................... من روحتك كل شي ميت من سنين

يمه نصيتك حامله روحي بيديّ

.................... ارجوك قومي واكسري هالقوانين

استغفر الله غيبتك ما لها زيّ  

.................... استغفر الله كان قولي غدى شين

مير المشاعر تنتحر في محانيّ

.................... لأنك رحلتي يا دروع المساكين

من غيبتك كل شي صاير  ولاشيّ

.................... حتى الخفوق بداخلي كنه الطين

ماتت طيور الكون واحلام ورديّ

.................... مات الزهر والفل وكل البساتين

غاب القمر .. صارت حياتي بلا ضيّ

.................... حتى الفرح ميت بوسط الشرايين

انته سمعت اليوم عن شخص مبليّ

.................... حزنه عظيم ولا وفته القيافين

هذا ( انا ) الميت ولا ينفعه كيّ

.................... ولا ينفعه كثر البكى  ذا المسيكين