إن جيت للصدق ..

يــاضــيـق صــدرك مــديـنـة وآآآه يـاصــغرك  

 ...  لي عــادت الـذكـريـــات بـغـيــبـة احـبــابي

شهرين مروا.. وانا ابكيهم على صـدرك  

 ...  لين كبرت شرهتي وانحرقت اعصابي

شهرين مروا.. وانا اشكيهم على بحرك  

...  وارمــي جـفـاهــم عـلـيـه ..وبــاقـي اعـتـابي

واعــوّد اســأل.. خـفـوقي وين هـو صبرك؟   

...  ويقول انا احـس مـوتي واقف ابــ بابي

يــامـطَـول الغـيـبـة علي اليـا مـتى انتـظرك    

...  ذبلت وانا انـتـظـر..واتـصـحّـر اتـرابي

مـابـان وسمـك ولا فـيـظت من نـهرك   

...  والهـم في كل ليـلـة يــحـسـب احـســابي

يــجــي مــع اللـيــل .. وبليـا اذن يــبرك   

 ... على ضـلـوعـي ولامـن صـحـت سمـابي

عـيـنه عليـّـه ..وانا عــينـي على فـجــرك   

 ...  مـتـاه يـشـرق .. وابـعـثـر بـالمـدى اطـيـابي

وين انت .. يلي بـقلبي ما نقص قدرك    

...  مـاعــاد بـاقـي ســوا دمـعــة عـلـى اهـدابي

اخـاف تـنزل وتمـسـح مـاكتب حــبرك   

...   ويـضـيع آخر حــروفــك داخـــل كــتـــابي

ارجـــع حــبـيـبـي ..انـا مــا ودي اخـسـرك    

...  ولا ودي بـطـيـحـتـك مـن نـظرة اعـجـابي

ولا ودي احــدٍ..يـجـي يـسـاوم على أمـرك  

...   ويـجـبرني انـسـى عـلاقـتـنـا وانــا مــــآبي

ابـواب واجــد ..فـتـحـها صـدك وهـجــرك 

...    ولا ادري ان طـوّل اكـثر..ويـش يـجرابي

وان جيت للصدق انا ببقى على ذكرك

...    يــا كل الاحباب عندي ..واقرب اقرابي