فقد عمر يوم انه فقد واحد يغليه

- الا ويل من علق حياته على ماضيه /

                                     تسليه ذكرى عاشها من سنين طوال

- تمر الليالي والليالي تجّود فيه /

                                    تذكره دايم ما مضى له من الاحوال

- فقد عمر يوم انه فقد واحد يغليه /

                                          ومن عقبها ماعاد له فالفضا منزال

- تصبّر وحزنه كل ما يدفنه يكويه/

                                       يشيل الحزن في وسط صدره ولا ينشال

- يحب المكان اللي يذكره في غاليه /

                                      واذا جا مكانه هل دمعه كما الهمّال

- هنا مجلسه جنبه هنا ضحكةٍ تحييه/

                                   هنا كان يمسح دمع من فوق خده سال

- هنا يحتضن قلبه هنا يمسك بيديه /

                                   هنا ضاع عمره يوم حظه بوقته مال

- يواسي خفوقة كل ليله معا طارية /

                                       ولو كان ماله فاللقاء والحياة آمال

- ولكن حياته كلها تعتبر ماضيه /

                               تسليه ذكرى عاشها من سنين طوال