أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
magadeer_najd 
ابوي ورّث لي صمود وكبرياء وانا حلفت اموت قبل اغيره
روح بدربه عسى الله ما يرده
روح بدربه عسى الله ما يرده
وقطّع حبال الأماني والرجاوي
كنت احسب غياب خلي بس مده
لين صارت رجعته ضمن المناوي
مبطي ليا عدوا العشاق اعده
وعقب ماقفى غدى صدري خلاوي
صد والصده وراها الف صده
عمري اللي مر دونه وش يساوي
قلت ياقلبي على الغالين بده
قال بديته وانا وضعي هواوي
وافترقنا بس انا ما في شده
ابتلتني عقب فرقاه البلاوي
لا بغى لقياه قلبي صرت احده
لين صار القلب بغيابه سلاوي
قلت والله لو رجع اني لألده
واتصدد عنه لا من بان ضاوي
لو رجع ..! لا احط يدي جوف يده
الهوى ماهوب للشخص الحياوي
ليه طول ؟! ياعسى ربي يرده
الحياة بلا عيونه وش تساوي