انت حظي..انت ملكي ..انت لي !

رحت عني ماتلفّت لنداي //

                               ما تأثرت بعتابي وزعلي..

ماقعد في سكة الفرقا سواي//

                              يوم صدينا يا ابو قلب خلي

قامت تلوح لأزوالك يداي //

                              والحشا يغلي من بعادك غلي..

ماكرهت بحبنا الا وفاي //

                               وكيف بديتك على الناس وهلي

الف مره قلت القي لك قفاي //

                                   واثر قلبي مبتلي بك مبتلي..

وش اسوي ماقدرت اكتم هواي//

                              كل ما انساك ما القى لك حلي

علم النسيان لايتعب معاي //

                            منحفر فالذاكرة غصب علي..

قمت اهوجس من خلايه في خلاي //

                           انت حظي انت ملكي انت لي