ماينقصه شي لامنا ولا منا..!

أبوي فالطيب كل الناس من دونه
                  ماينقصه شي لامنا ولا منا
في وجه محتاج ماسكر تليفونه
                   بيته مشيد على الفزعات ومبنا
واليا تعنوا  بوقت الضيق يلقونه
                 عنوانه : العز والنوماس موطنا
واليوم تحت الثرى لكن يعرفونه
               فعايل الطيب عقب الموت يبقنا
روح بدرب جميع الخلق يمشونه
                درب مقدر على اخرنا مع اولنا
غنيت والقلب بيح كل مكنونه
                 وش ينفع القلب بعد ابوي لا غنا
يا جعل قبر يضم ابوي بركونه
                  بيض السحايب على رمله يهلنا
يارب صدري تضايق كون في عونه
                هون عليه الحزن فالليل لا ونا
وياقلب حنا حرمنا شوفة عيونه
                 وش عاد ينفع ليا من قلت لك ..كِنا
ياقلب رددت كل الشعر بلحونه
                 لكن نظم القصايد ما يكفنا
شف ذكرياته بوسط القلب مركونه
            ماعاد نعرف عقب مامات  من حنا !
هذاك ابويه جميع الناس من دونه
                  ماينقصه شي لامنا ولا منا