فخـٱمـة پۆح

كل القصيد اللي كتبته من ازمان
اشطب عليه مثلثات ودوواوير
وماهمني لويزعل فلان وفلان
ولاهمني إعلامها والجماهير
مادام ابوسلطان راضي وفرحان
مشكور يا الهاجس ومسئيك بالخير
سلطان في شعري وب موت سلطان
وجدر بشعري من براعة شكسبير
ولاني على خط القصايد ببلشان
اسوق شعري مع خياراً مضاهير
وياهاجسي لنقد كفه وميزان
وانت انتبه لنقد ومن دون تقصير
الشعر له حبكه وترتيب واوزان
ولحن القصيدة لنكسر ماش تجبير
والي مهو بالنقد فاهم وفنان
لايستفز مشاعر الناس ويثير
وترا الدوادي والفتن حاست اخوان
 واصبح كلام الناس مثل النوافير
وسود النوايا خربت كل ماكان
وبالكاش تشرى عندنا سمعت الزير
امدح وانا بمدح واغني بـ الألحان
لين اطمعت رعيانها بالمناعير
ومعزب الظيفان فلس وطفران
وحطو مكانه من رخوم الهوامير
ولو اعتلى بقشان وبنيان بقشان
بقشان مايعقل ينادونه امير
ومهما حصل اكيد لطيب عنوان
ولكل صاحب شان حشمه وتقدير
والوكر ماله غير حرً وشيهان
والبوم تبرز قوته للعصافير
وللخيل خياله وللفعل شجعان
و(انا على سمحه) وسقت الطوابير
ورثن ورثته من ابويها لشيبان
واخاف لو ارخي لها عنانها تطير
ويصيبها من طيبها نسبة جنان
الله عليها من عيون الحسد خير
ولو راح حظي ياعرب في خبركان
كبرت بسم الله على بليس تكبير
وتلوت من قول الله آيات قرأن
بتلاوتن تشفي الصدور المضارير
استغفر الرحمن واقول سبحان
ربن مدبر بأمره الكون تدبير
وختامها يارب عفوآ وغفران
يامكفر السيات بالخير تكفير
انك تعصم الشعر من كل شيطان
لجل ابتسم لشعر من دون تكشير

سلطان أباالكحل