أضف تعليق
ارسال الى صديق
طباعة القصيدة
مشاركة القصيدة
أبلاغ عن خطأ
+0
-0
تسجيل الدخول
الاكثر أعجابا
الاستفتاء
ماهو تقييمك للموقع
القائمة البريدية
الشعر هبت هبوبه
الشعـر هبـت هبوبـه وانتشانـي
ومالت غصون الخفوق الشاعريـه
حرك احساسا كتمتـه فـي كيانـي
واستباح القلـب والأشـواق حيـه
مابتليته ميـر هـو اللـي بلانـي
بالهجينـي واللحـون السامـريـه
كل ماجريـت صوتـي واعترانـي
ثـم تذكـرت الغـزال الراعبـيـه
قمت اجيب من القوافـي والمعانـي
لين تطـرب بنـت مزبـان الونيـه
والله ان مانيـب محمـد يازمـانـي
كان ماسقت الشعر سـوق المطيـه
والله ان ماهوب صـح الله لسانـي
ان كتبتـه بغيـرك انتـي يابنـيـه
كيف وانت اللي وصوفك شي ثانـي
تنتهـي معـك الحـروف الابجديـه
قدك الميـاس غـاض الخيزرانـي
وجيـدك المنتـوق مامثلـه وزيـه
ودون صدرك تنثنـي كـل الامانـي
كل مازميتـه اصفـق فـي يديـه
وجمرتينك فـوق بـراق الثمانـي
واهني اللـي اكتـوى منهـا بكيـه
ولين خـدك مرتـوي بالزعفرانـي
والخزامـى والنفـل و النرجسيـه
ان مشيت الارض تنبـت قحويانـي
وان وقفت تصيـر مركـز جاذبيـه
بك جمالا طاغي وسحر (ن) عماني
ولك مابين النـاس قـدر وقابليـه
والله انك ساكنا باقصـى المحانـي
ارتـح وريًـع بخفاقـي شـويـه
ليت تدري كم وكـم منـك اعانـي
وليت تفهم وش حصل وش صار فيه
ارسمك بالجدي وسهيـل اليمانـي
وانـت مابيـن الرابعه والعاشريه
اتـحـرى جيـتـك ياامودمـانـي
وانت قلبك خالـي وعينـك خليـه
مير ليتك ترحم اللـي فيـك فانـي
ساق لـك روحـه وقدمهـا هديـه
العبيوي