شفتك بعيني

شفتك بعيني ولا ابغى دليل 

.. غادر وارجع لدربك مستحيل

عفت حبك يوم تهديني الجروح

.. شفت ظلمك يوم تتركني وتروح

ابتعد يكفيك لا تكثر خطايا

.. اكتفيت بما لفاني من عطايا

وخذ بقايا اثقلت نبضات قلبي

.. ينقرا حزني لو اصرف واخبي

ضاع عمري انتظر لحظة لقاك

.. قافلٍ بيبان وصلي عن سواك

صادقٍ وافي وابرر لك خطاك

.. وانت وينك لاهيٍ تطرد مناك

بانيٍ الف احتمالٍ لو تحقق

.. نهتني بحلم العمر وانا اصدق

ويوم وصلت لمشارف ما طمحت

.. خذت بعضك في هدوء وعني رحت

الحقيقة من عيوني اليوم طحت  

.. الحقيقة من عيوني اليوم طحت  

ما بقى عذر وتسامح / صرت اكره هالملامح

حقق طموحك وعيش / بين عقل وبين طيش

انت صفحه في حياتي وانطوت  

.. شمعه تضوي في عيوني وانطفت

لا بقالك من حنين  / ولا بقالي من سنين

روح وبعد ما بقالي عالجروح

روح وبعد ما بقالي عالجروح