يا سحابٍ نشا

يا سحابٍ نشا .. فوق ضلعٍ مشا .. ينتشي الخير برضٍ شجرها هشيم

ينتعش بالحيا .. كل عرقٍ عيا .. نلتقي عقب جدبٍ نهرها يسيل

من هجوسٍ علت .. بالحشا واعتلت .. قمت اسوق الدعاوي بليلٍ ظليم   

المعاني امطرت .. من همومٍ طرت .. تشتعل بالحنايا سواة الفتيل

السنين ادبرت .. لا جروحي برت .. ولا لقيت لمصابي طبيبٍ حكيم

حظي الي عثر .. في طريقي اعتثر .. كل ما عدله في ثواني يميل

العيون ان حكت .. ما كفا لو بكت .. خير لو ماشتكت لو خفاها كليم

باتصبر وبصبر .. واسوق العبر .. واترقب صباحٍ الم الحصيل

ما بقا من سلام .. في زمان اللئام .. والحسوفه تعالت لعهدٍ قديم

وان بقا ما سقا .. قلبنا وان نقا .. اهل خيرٍ تحلت بفعلٍ جميل

وان ظهر ما خفا .. وشفت منهم جفا .. بترك الظن وابعد بقلبٍ سليم

ذا مقامي سماء .. وان طواني الظماء ..  مانحنا الراس الا لربٍ جليل